Kraja : “Ndaj Shkumbinit do të jem i gatshëm”

Blerja e parë e Vllaznisë, Ervis Kraja është treguar shumë optimist për aktivizimin e tij në ndeshjen ndaj Shkumbinit. I dëmtuar që në ndeshjen e tij të parë miqesore me shkodranët, Kraja mesa duket është përmirësuar ndjeshëm. Qendërmbrojtësi shkodran ka thyer hundën në një përplasje me portierin Vujadinoviç. Ndryshe nga ajo qe pritej lojtari është rikuperuar menjehere ne pak dite, duke u stërvitur me ekipin. Vetë Kraja ka theksuar se me anën e një maske që do të vendosë në fytyre, ai do të jetë i gatshëm të luajë ndeshjen e tij të parë me kuqeblutë për këtë sezon, te dielen. Madje ai është optimist se ekipi do të arrijë (edhe me ndihmen e tij) një rezultat pozitiv ne Peqin. Përsa i përket gjendjes së tij shëndetesore, mbrojtësi shkodran, shprehet: “Unë pësova një dëmtim, shumë të shpejt me Vllazninë. Por kjo nuk më ka ndalur aspak deshiren qe kisha per te kontribuar dhe kam arritur të rikuperohem menjehere. Pas pak ditësh pushim, kam dalë në stërvitje me ekipin. Në fakt, thyerja e hundës është e rëndë, por mua nuk me ka penguar që të riaftësohem”, ka thëne Kraja. Në lidhje me aktivizimin e tij ndaj skuadrës së Shkumbinit, Kraja premton se do të bëjë më të mirën e tij. “Unë mendoj se do të jem i gatshëm ndaj Shkumbinit. Sipas konsultes qe kam pasur me stafin mjekesor, unë do të vendos një maskë, e cila do të më mundësojë që të luaj pa probleme. Në qoftë se aktivizohem, unë do të mundohem të bëj më të mirën time, për të arritur një rezultat pozitiv. Në fakt unë kam besim tek grupi dhe do të zhvillojmë një lojë shumë të mirë”, ka përfunduar qendërmbrojtësi i skuadrës shkodrane, i ardhur si një ndër përforcimet kryesore tek ky ekip, ne janar.

 Postuar me Janar 19, 2010