Post
by fpjalmi » Fri, 13 Nov 2009 , 02:48
Kur largohesh me dëshirë nga kombëtarja
Autori: Sporti Shqiptar
Data: 12/11/2009
Version Print .
.
Jang i Aston Vilës dhe Irland i Sitit i kanë dhënë lamtumirën kombëtares ditët e fundit. Ka ndodhur edhe më parë…
Një prej "yjeve" të Mançester Sitit, ish?ndërkombëtari i Republikës së Irlandës, Stivën Irland është betuar se kurrë më nuk do të luajë për përfaqësuesen e vendit të tij, sa kohë që në krye të saj do të jetë trajneri Xhovani Trapatoni. Sidoqoftë, Irland nuk është futbollisti i parë i famshëm, që "i kthen krahët" me dëshirë përfaqësueses. Dje, mbrojtësi i Aston Vilës, Jang, e njoftoi trajnerin Fabio Kapelo që të mos e konsiderojë në planet e tij për botërorin afrikan. "Fabio më tha se nëse luaja mirë mund të isha mbrojtësi i shtatë apo i tetë i Anglisë në botëror, por unë dua të përqendrohem vetem te Aston Vila," - tha Jang.
1) Johan Krujf
"Mjeshtri" holandez, ishte me gjasa futbollisti më i mirë në Europë, kur "vari këpucët në goxhdë" në vitin 1977, kur ishte 30 vjeç dhe po e ndihmonte aq shumë Holandën e tij të kualifikohej për në Botërorin 1978. Arsyeja e ofruar në atë kohë ishte se Krujfi nuk ishte në një mendje me diktaturën ushtarake të kohës në vendin mikpritës, Argjentinën. Më pas ai zbuloi se familja e tij dhe vetë ai kishin qenë subjekte të një kërcënimi për rrëmbim në Barcelonë. Ai tha: "Të luash në një Botëror duhet të jesh 200% i vetvetes, por ka edhe momente të tjerë, kur në jetë ka vlera më të rëndësishme".
2) Roi Kin
Një tjetër futbollist që u largua më shumë se një herë; "tërheqja e parë" e tij ishte me "shumë stil", kur u largua nga mjedisi stërvitor i Republikës së Irlandës në Botërorin 2002, duke qortuar rëndë mangësitë e mjediseve stërvitore dhe itineraret e çrregullta të udhëtimeve të përfaqësueses, teksa e quajti trajnerin e kohës, Mik MekLartin, "një k.. të ndyrë". Ai u rikthye me përfaqësuesen në prill 2004, kur ajo drejtohej nga trajneri tjetër, Brajan Kerr, por u largua edhe një herë në tetor 2005, kur Republika e Irlandës nuk arriti të kualifikohej për në Botërorin 2006. Sërisht "luftoi" me trajnerin.
3) Zinedin Zidan
Mjeshtri francez u largua nga përfaqësuesja në fund të orvatjeve të vendit të tij për të ruajtur titullin e kampionit të Evropës në Euro 2004. Pasi Franca u mund në ¼ e finales nga Greqia, "Zizu"?ja vendosi ta mbylllte karrierën me përfaqësuesen. "Tani ka përfunduar karriera ime ndërkombëtare. Ky është fundi i historisë. E rëndësishme është të dish se kur ka ardhur koha për ty që të largohesh". Por teksa Franca haste vështirësi për Botërorin 2006, ai u josh të rikthehej dhe i ndihmoi "Les Bleus" të arrinin në finalen e atij Botërori, duke arritur 100 ndeshje për përfaqësuesen e tij në këtë orvatje. Në atë finale të mallkuar për Francën dhe vetë atë, në moshën 34-vjeçare ai e humbi torruan, mori një karton të kuq, ndërsa Franca u mund nga Italia me 11?metërsha.
4) Alan Shirër
Heroi i një qyteti dhe një skuadre, Njukasëllit, ishte vetëm 29 vjeç, kur vendosi se kishte luajtur dhe dhënë gjithçka për "Tre Luanët". Ai luajti ndeshjen e fundit për Anglinë, në atë humbje ndaj Rumanisë, çka vendosi edhe moskualifikimin e tyre për në Euro 2000. Pavarësisht orvatjeve të të gjithëve për t’iu rikthyer vendimit të tij për të marrë pjesë në përpjekjet e Anglisë për kualifikim në Botërorin 2002 dhe Euro 2004, ai mbeti larg nga përfaqësuesja.
5) Rajan Gigs
Pavarësisht se Rajani po i afrohej 34 viteve të jetës së tij, kur bëri me dije për tërheqjen nga përfaqësuesja e Uellsit, në maj 2007, ai ende ishte futbollisti më i mirë i vendit të tij, duke vazhduar edhe sot e kësaj dite të jetë një prej kolonave të Mançester Junajtid. Ai ka luajtur 64 ndeshje për Uellsin, por do të kishte pasur shumë më tepër, nëse Fergusoni do ta kishte lejuar të luante edhe ndeshjet miqësore.
6) Xhemi Karrager
Kolona mbrojtëse frymëzuese e Liverpulit, e la pas me dëshirë karrierën e tij ndërkombëtare, pas zhgënjimit të vlerësimit si zgjedhje e pestë, pas Xhon Territ, Rio Ferdinandit, Ledlej Kingut dhe Xhonatan Udgejtit. Ai tha: "Tani jam 29 vjeç dhe nëse nuk jam titullar i rregullt në këtë stad për Anglinë, nuk e mendoj se do të jem më pas. Do të jetë e vështirë për mua të shihem këtej e tutje, vetëm një futbollist klubi, sikurse nuk jam i interesuar për përfaqësuesen aktualisht".
7) Pol Skols
Skolsi, një prej mesfushorëve më të mirë të brezit të tij, i dha lamtumirën përfaqësueses angleze, pas Euro 2004, atëherë kur vendosi se nuk mund të aktivizohej në të majtë të repartit mesfushor, për t’i lënë hapësirë Frenk Lampardit dhe Stivën Xherrardit në qendër. Vetëm dy muaj para se të mbushte 30 vjeç, ai përmendi karrierën tek Mançester Junajtid dhe shkaqe familjare si arsyet e kësaj tërheqjeje, por edhe shtoi: "Ky nuk është një vendim që e mora lehtësisht". Më pas ai refuzoi një thirrje për t’u përfshirë në përfaqësuesen e drejtuar nga Stiv MekLareni.
Dankën Ferguson
"Big Dunc" luajti vetëm shtatë ndeshje për Skocinë në harkun kohor 1992?1997, para se të njoftonte tërheqjen nga përfaqësuesja, si protestë ndaj Federatës Skoceze të Futbollit, që e kishte pezulluar për 12 ndeshje. Në fakt ai ishte dënuar me tre muaj burgim, pasi sulmoi mbrojtësin e Raithit, Xhon MakSteji.
9) Stilian Petrov
Petrov i tregoi "derën" përfaqësueses bullgare pas mosmarrëveshjeve me trajnerin e asaj kohe Hristo Stoiçkov, në tetor 2006. Mesfushori i Aston Vilës, atëhere vetëm 27?vjeçar, u largua si kapiten i Bullgarisë dhe u betua se nuk do të rikthehej derisa Stoiçkovi të hynte në histori. "U tërhoqa nga përfaqësuesja bullgare për sa kohë të jetë trajner Stoiçkovi, ? tha ai. ? Për mua është tejet e vështirë, sepse më pëlqen pa masë të luaj për vendin tim, por disa gjëra nuk po shkojnë si duhet, nuk dua të bëhem pjesë e kësaj. Nëse në të ardhmen do të kishte ndryshim trajneri, do ta mendoj rikthimin". Trajneri ka ndryshuar, por Petrov ende po mendohet
10) Françesko Toti
Kanakari i Romës, mori një pushim të gjatë, larg përfaqësueses italiane, pas Botërorit të fituar në 2006. Ai në botëror u aktivizua paçka se me dëmtim serioz në kyçin e këmbës, vetëm për dashurinë ndaj fanellës "azzurre". Verën pasuese ai njoftoi se nuk do t’i përgjigjej më thirjeve në përfaqësuese, në moshën 30?vjeçare. "Fjala fund është e shëmtuar, por vendimin për ta mbyllur kapitullin me përfaqësuesen e mora për disa arsye fizike. Më vjen keq, por shëndeti është gjëja më e rëndësishme".