Lici: Eshte “ora” e rikthimit
15 Mars Java e kaluar ka qene nder me te “zezat” e ketij sezoni per kampin kuqeblu te Vllaznise. Pakkush e mendonte se nje situate e tille do te vinte menjehere pas atij suksesi, qe Vllaznia arriti ne perballjen me rivalet durrsake, ne “Loro Borici”, ndeshje ne te cilen nuk munguan jo vetem duartrokitjet, por edhe thirrjet ne adrese te teknikut Josa, i cilesuar si “strateg” i kesaj skuadre. Por ja qe ne futboll ndodhin edhe gjera te tilla, ndonese duhet thene se i kushtoi jo pak Vllaznise, sepse, pervec eliminimit nga Kupa e Shqiperise, humbi edhe vendin e dyte, qe me aq perpjekje e mori. Kjo situate acaroi ne maksimum marredheniet me fansat shkodrane, reagimi i te cileve ka qene tejet i ashper. Te gjitha keto i kemi diskutuar me njerin nga titullaret e Vllaznise, me nje pervoje te pasur, kryesisht me skuadren e qytetit te tij, por edhe me skuadra te tjera te elites, perfshire edhe perfaqesuesen kuqezi, Suad Lici. “Kemi marre nje goditje krejt te papritur”, thote Lici, i cili ndalet me teper te humbja me Shkumbinin, ne “Loro Borici”. “Ne menyre te vecante, humbja 02 ne fushen tone, me Shkumbinin, eshte sa tronditese, aq dhe e pafalshme, pasi ndodhi ne nje moment kur piket na nevojiteshim aq shume”, ka nenvizuar Lici.
Akuzat ndaj Sopjanit
Lici i eshte kthyer asaj ndeshjeje, qe startoi me gol te shenuar nga Dalipi, por qe me te drejte u anullua nga arbitri, madje, duke e ndeshkuar me karton te verdhe protagonistin, ndersa u duk se do te kalohej lehte dhe me shume gola per vendasit. Sipas tij, “nder te tjera, skuadra kishte pesuar edhe “shok” psikollogjik, pas deshtimit qe pati tri dite me pare ne cerekfinalen e kupes”. Por, pervec kesaj, Lici ndalet jo pak edhe te gjykimi i ndeshjes. “Ne pamje te pare, te duket se kjo ndeshje ka kaluar pa probleme ne lidhje me gjykimin, por une do te doja te ndalesha te rasti i golit te dyte per peqinasit, i cili dua te kujtoj se eshte shenuar me faull”. Dhe shkodrani, qe ka qene vete ne ate aksion ne rolin e mbrojtesit, sqaron se “Bubeqi, perpara se te mberrinte te goli, e ka marre topin me faull te dukshem ne dyluftimin me mua, ndersa gjyqtari Sopjani, edhe pse ishte krejt afer, per cudi nuk e vleresoi si te tille, duke e lejuar ate te vazhdonte aksionin, qe perfundoi me gol, i cili i dha drejtim lojes ne fushe”. Nderkohe, pasi flet me mjaft siguri per kete rast, ku ka qene protagonist, Lici lakon edhe ata specialiste, te cilet gjate analizes qe u bene sekuencave te shfaqura ne maviole, nuk u ndalen tek ky rast, duke marre ne “mbrojtje” gjyqtarin Sopjani.
Kthesa, ne Gjirokaster
Nese Vllaznia kerkon te reabilitohet, ka vetem nje rruge, dhe ajo eshte arritja e fitores ne Gjirokaster. “Natyrisht, eshte nje transerte shume e veshtire, por, sic kane ardhe punet, duhet ta kalojme patjeter me sukses. Nese do te kishim fituar me Shkumbinin, do te ishim ndoshta me te qete e te kenaqur edhe me nje barazim, por tani na duhet patjeter trepikeshi, qofte edhe per t’i bere hyzmet edhe rrogave tona, te cilat, sic eshte deklaruar nga presidenti, jane pezull deri ne perfundim te asaj ndeshjeje”, thote Lici, i cili nuk mohon shkallen e veshtiresise qe do te kete ajo perballje ne Gjirokaster. “Kam besim se ka ardhur “ora” e rikthimit ne vendin e dyte, duke nisur me autokritiken qe te shtunen. A eshte e veshtire? Pa diskutim qe po, sepse edhe vendasit jane ne nje pozite shume te veshtire ne klasifikim, aq me teper qe edhe levizjet e fundit ne pankine do te kerkojne “ere ndryshimi” edhe ne rezultate. Por, sic e thashe me siper, per ne nuk ka asnje alternative tjeter, pervec fitores, te cilen do ta kerkojme me ngulm shume ngulm”, ka perfunduar veterani Lici.
Marre nga gazeta
Sport Ekspres
--------------------------------------------------------------------------------------
Dabulla: Nuk u japim "oksigjen" të tjerëve
Mbrojtësi i ekipit shkodran shprehet se ekipi në radhë të parë do të fitojë për nderin e vet
15-03-2007 Një nga futbollistët që është i bindur se Vllaznia mund ta kapërcejë momentin jo të mirë që ajo po kalon është pikërisht mbrojtësi Rezart Dabulla. Natyra e tij, si gjithnjë entuziaste, të bën të mendosh se fjalët e tij nganjëherë nuk shprehin rezultatet e skuadrës. Por në të vërtetë ai betohet se te kuqeblutë ndalesa aktuale ka qenë vetëm provizore. Duke folur për "Sportin shqiptar", mbrojtësi i shkodranëve thotë se Vllaznia duhet të ngrihet. "Vërtet që këto dy ndeshjet e fundit kanë qenë jopozitive për ekipin tonë, por besoj se i kemi forcat për të arritur sërish ato rezultate që arritëm para pak kohësh. Në Gjirokastër është momenti që skuadra të ringrihet sërish dhe mundësitë për këtë janë," ka thënë "Dabi". Analiza e së martës ka qenë shumë e rëndësishme për këtë skuadër, sepse për shumë gjëra janë vënë pikat mbi "i". Humbja e shkodranëve brenda në "Loro Boriçi" duhet pranuar se e ka bërë lëmsh kampionatin. Këtë e thotë edhe lushnjari që luan sezonin e parë me kuqeblutë pas një përvoje disavjeçare me Tiranën. Për rrjedhojë, Dabulla mendon se me "marrjen frymë" sërish të peqinasve, tashmë edhe skuadrat e tjera që rrezikojnë rënien nga kategoria kanë shtuar punën për të mos gabuar, sepse fare mirë mund ta shohin veten një kategori më poshtë. Rezarti e ka të qartë se edhe gjirokastritët do të luftojnë kështu për ndeshjet e mbetura, duke filluar që nga kjo e shtunë pikërisht kundër skuadrës së tij. "E kam shumë të qartë se na pret një ndeshje shumë e vështirë në Gjirokastër. Pas humbjes sonë ndaj Shkumbinit ne u dhamë jetë, nëse mund të shprehem kështu, peqinasve. Ata tashmë kanë hyrë sërish në vallen e pretendimeve për të qëndruar në kategori dhe nga kjo sigurisht që do të shtrëngohen edhe skuadrat e tjera që rrezikohen, duke filluar nga Luftëtari. Prandaj dhe jemi koshientë se na pret një ndeshje shumë e vështirë në këtë fundjavë, por sigurisht që nuk do të dorëzohemi. Aq më tepër që jemi borxhlinj ndaj presidentit dhe tifozëve për situatën e krijuar në dy ndeshjet e fundit," ka shtuar 27-vjeçari Dabulla i mbrojtjes kuqeblu. Duke filluar nga dita e martë, Dabulla ka filluar stërvitjen normalisht me pjesën tjetër të skuadrës dhe duket se e ka lënë përfundimisht pas dëmtimin që ka pasur në rrëzë të kofshës së djathtë. Ai shpreson që të jetë në fushë të shtunën, kuptohet në 100 % e tij për të dhënë kontributin që duhet në pathyeshmërinë e këtij reparti, që te Vllaznia ka qenë më i mirë nisur edhe nga konkurrenca e madhe që është aty. Vetë "Dabi" gjatë gjithë kampionatit ka dhënë maksimumin e tij për këtë skuadër dhe jo më kot vlerësohet si blerja më e mirë e presidentit Fushaj këtë sezon.
Marre nga gazeta
Sporti Shqiptar
