Nxehet” gara për Kupën e 58-të të Shqipërisë, një shans drejt Europës
http://www.sportishqiptar.com.al/%e2%80 ... t-europes/
Sot do të luhen ndeshjet e para të 1/8 të finales. Janë kualifikuar 16 ekipet më të mira të këtij edicioni, ku përfshihen 12 të superiores dhe 4 të kategorisë së parë. Duke i hedhur një vështrim çifteve të formuara nga shorti, dallon menjëherë se do të ketë një luftë të fortë sportive për të siguruar hyrjen në 1/4 e finaleve. Në fakt, tani fillon dhe “nxehet” gara në Kupë, ku siç dihet janë shumë ekipe që e kërkojnë atë. Përveç ekipeve tradicionalisht në garë për këtë trofe, sivjet u është “oreksi” edhe disa ekipeve të tjera, si Apolonia, Gramozi, Kastrioti, Shkumbini, madje edhe Kamza që militon në kategorinë e parë. Grupi A duket sikur ka më shumë rivalitet, por edhe në grupin B ekipe si Vllaznia, apo Apolonia, do të kërkojnë të pamundurën për të arritur të paktën në finale, pasi vetë objetivat e këtyre skuadrave, për të cilën edhe është investuar, e tregon këtë gjë, teksa kërkojnë kupat e Europës. Megjithatë, sot luhen takimet e para dhe shumë gjëra nuk vendosen sot, por në ndeshjet e kthimit. Po ju njohim më poshtë me disa të dhëna lidhur me ballafaqimet e deritanishme ndër vite të këtyre çifteve:
GRUPI A
Lushnja – Tirana
(E. Jorgji - Tiranë)
Bylis – Dinamo
(B.Batalli - Shkodër)
Kastrioti – Shkumbini
(L.Mustafaraj - Tiranë)
Laçi – Besa
(E. Dobi - Durrës)
GRUPI B
Kamza – Vllaznia
(K.Cjapi - Fier)
Partizani – Teuta
(L.Alla - Lushnje)
Gramozi – Flamurtari
(R.Sadiku - Elbasan)
Skënderbeu Apolonia
(A. Beqiri - Tiranë)
