Lajmet e fundit

Hebaj: Ta shpëtojmë Vllazninë!

Rubin Hebaj, sulmuesi i Vllaznisë, ka dhënë një deklaratës për “Telesport”, ku e cilëson ndeshjen me Tiranën si një finale, të cilën shkodranët duhet ta kalojnë me sukses. Hebaj pranon vështirësinë e ndeshjes, por sipas tij presioni është m ai madh te kundërshtari, të cili i duhet vetëm fitorja.

Hebaj: Ta shpëtojmë Vllazninë!
Cungu: S’është ndeshja e sezonit, por Luftëtari duhet mundur!

Cungu: S’është ndeshja e sezonit, por Luftëtari duhet mundur!

Sot në Shkodër do të luhet takimi Vllaznia-Luftëtari, i cili pritet të përcaktojë shumë gjëra, sa i takon fatit të vendit të katërt. Në opinion konsiderohet ndeshja e sezonit për kuqeblutë, që me një fitore të mundshme mund të arrijnë objektivin që i kanë vënë vetes. Por trajneri Armando Cungu mendon krejt ndryshe. Ai nuk e konsideron “ndeshje për jetë a vdekje”, por thjesht një përballje të radhës, që duhet fituar: “Unë nuk do ta quaja ndeshje të sezonit këtë përballjen me Luftëtarin. Natyrshëm, ekziston dëshira e madhe për të marrë vendin e katërt në renditje, nisur nga rrethanat që na erdhën në këtë fundkampionati. Duke folur në aspektin profesional, jam shumë i kënaqur me ecurinë e ekipit, sepse pas 6 vitesh nuk e kemi diskutuar kurrë mbijetesën, madje erdhëm në një moment për të kërkuar edhe Europën. Besoj se ky është një progres i dukshëm, ky është një realitet, paçka se dikujt nuk i pëlqejnë këto gjëra dhe nuk duan t’i marrin parasysh.

Armando Cungu: Vllaznia është nana e futbollit shqiptar

Trajneri i skuadrës shkodrane Armando Cungu është parë shumë i emocionuar në përfundim të ndeshjes ndaj Partizanit që u mbyll në barazim 1-1. Një rezultat që mbi të gjitha u dha përgjigjen më të mirë të gjitha thashethemeve që flisnin për tolerim ndaj të kuqve. Në konferencën për shtyp, ai është ndalur tek karakteri i djemve në fushë duke thënë se Shkodra është nana e futbollit shqiptar dhe si e tillë meriton më shumë respekt. "Kjo skuadër tregoi se ka dinjitet dhe nder, luan për vete, përkundër gjithë sulmeve e aludimeve gjatë javës. Mendoj se e dominuam lojën, si në sulm, ashtu edhe në mbrojtje. Mund të shënonim më tepër, me pak kujdes, ndërsa në një pakujdesi kundërshtari barazoi, por nuk kam asnjë keqardhje, ishte një ndeshje e shkëlqyer. Kishim mungesa, e vërtetë, por të gjithë ata që luajtën dhanë gjithçka dhe bënë më të mirën. Nuk mund të thuash që po të ishin ata që munguan do bënin më mirë, sepse futbolli është i çuditshëm. Kjo ndeshje ishte një vitrinë për futbollin shqiptar, një ndeshje shumë e bukur, mes dy skuadrash që dhanë gjithçka për të marrë fitoren. Nuk e di, ndoshta po të ishim më të plotë mund të merrnim edhe fitoren, por pak rëndësi ka tani.

Armando Cungu: Vllaznia është nana e futbollit shqiptar